“Чаму Маша не есць кашу?”

Адказ на гэтае пытанне шукалі ўдзельнікі адкрытай лекцый УЗВ, праведзенай 29 красавіка Кацярынай Дабкене. Удзельнікі сустрэчы разбіраліся, што такое інэрцыя мыслення, трэніравалі мозг праз вырашэнне задач і выкананне незвычайных практыкаванняў!

У першай частцы заняткаў Кацярына Дабкене са студэнтамі разам генеравалі ідэі, як захаваць здароўе мозга.

Галоўнымі ўмовамі для гэтага з’яўляюцца:

  • здаровы сон;
  • умераная і разнастайная фізічная актыўнасць (месяц пахадзілі ў басейн, другі месяц пайшлі на пілатэс, каб мозг не прывыкаў да аднаго віда актыўнасці);
  • правільнае харчаванне;
  • умераны стрэс (загартоўванне, выступленне на публіцы).

Самы галоўны варунак – гэта захоўваць вастрыню розуму, нарошчваць нейронныя сувязі, трэніраваць мозг.

Як гэта можна рабіць студэнты і студэнткі УЗВ таксама вучыліся на агульнай лекцыі.

Галоўным жа ворагам нашага галаўнога мозгу з’яўляецца інэрцыя мыслення, якая часта засядае у нашых галовах.

“Чаму Маша не есць кашу?”

Інэрцыя мыслення – гэта схільнасць да якога-небудзь канкрэтнага метада і вобраза мыслення, ігнараванне ўсіх магчымасцей, акрамя адзінай, якая сустрэлася ў самым пачатку.

Прыкладамі са штодзённасці можа быць наша дарога да дому ці аўтобуса – калі мы ходзім  той жа самай сцежкай кожны дзень, тое, як мы перамяшчаемся па хаце, як ставім імбрык і запальваем газ.

Інэрцыя мыслення калісьці дапамагала нам выжыць (калі мы ўцякалі ад тыграў), эканоміць нашыя сілы, энэргію і дапамагала нашаму мозгу адчуваць сябе ў бяспецы. Гэта так званая нашая “зона камфорта”.

Інэрцыя мыслення з’яўляецца натуральнай і нармальнай з’явай, але часам яе трэба “узварушваць”. Напрыклад, калі мы хочам патрэніраваць наш мозг, неяк творча вырашыць задачу. Такім “устрэсваннем” можа стаць:

  • засвойванне новых навыкаў (шахматы, замежныя мовы, музыкальныя інструменты і г. д.);
  • змена звычак (новая дарога, разнастайнае чытанне, новыя рацэпты, выкарыстанне левай рукі замест правай і наадварот);
  • пашырэнне кола сувязяў, новыя знаёмствы;
  • мэтанакіраваныя трэніроўкі гнуткасці мыслення.

Пазнаёміўшыся з чатырма ворагамі інэрцыі мыслення, Кацярына прапанавала зрабіць практыкаванне і прыдумаць 50 новый ідэй для скарыстання простага алоўка. Для самастойнай трэніроўкі мозга можна браць любую рэч і рабіць тое ж самае (малаток, свечка, цвік).

“Чаму Маша не есць кашу?”
Студэнты выконваюць практыкаванне ад Кацярыны Дабкене

“Вельмі часта нашае дарослае мысленне бывае вельмі багатым на тэрміны, складаныя словы і наша мова сама нас заганяе ў “трубу” мыслення, – кажа Кацярына. – І калі ўзнікае некая праблема, якую складана вырашыць, перафармулюйце тое, што дадзена, замяніце словы, пастаўце інакш пытанне”.

У якасці трэнажора студэнты і студэнткі зноў выконвалі практыкаванне, сэнс якога заключаўся ў тым, каб выказаць думку “Эпідэмія каронавірусу скончыцца гэтым летам”, не паўтараючы аніводнага слова.

“Чаму Маша не есць кашу?”
Тэхніка, каб завастрыць мысліцельныя працэсы

Іншыя тэхнікі, якія можна выкарыстоўваць самастойна або ў кампаніі, каб адтачыць усе разумовыя працэсы і нагадаваць нейронныя сувязі:

  • трэніраваць крытычнасць мыслення, падвяргаць сумненню меркаванні аўтарытэтаў;
  • лагічныя задачы, задачы на кемлівасць;
  • складаць вершы, спяваць, займацца творчасцю, пісаць дзённік;
  • развіваць асацыятыўныя сувязі;
  • гуляць у гульні: настольныя, інтэлектуальныя і г.д.

Гід аб актыўным даўгалецці. Жыць доўга

Глядзіце поўны запіс лекцыі:

0 0 голас
Рэйтынг артыкула
Падпісацца
Апавясціць о
guest
0 Каментар
Межтекстовые Водгукі
Паглядзець усе каментары

Апошнія запісы

Катэгорыі

Тэгі